من بادي الوقت هذا طبع الايامي
عذبات الايام ما تمدى لياليها
حلو الليالي توارى مثل الاحلامى
مخطور عني عجاج الوقت يخفيها
اسرى مع الهاجس اللي ما بعد نامى
واصور الماضي لنفسي واسليها
اخالف العمر أراجع سالف اعوامي
وانوخ ركاب فكري عند داعيها
تدفى على جال ضوه بارد عظامي
والما يسوق بمعاليقي ويرويها
الى صفالك زمانك عل ياظامي
اشرب قبل لا يحوس الطين صافيها
الوقت لوازن لك يا صاح ما دامي
يا سرع ما تعترض دربك بلاويها
حتى وليفك ولو هيم بك هيامي
سيور الايام تجنح به عواديها
يا شباب لا تنسون الرد
الخميس نوفمبر 15, 2007 1:52 pm
